دەربارەی ئێمە

ناو:
دامەزراوەى رایەڵ بۆ ئاڵوگۆرى کولتوورى و گەشەپێدانى مرۆیی

مؤسسة رايل للتبادل الثقافي و التنمية البشرية

Rayal Foundation For Cultural Exchange And Human Development

پێناس :
رێكخراوێكى كۆمەڵی مەدەنى كولتووریی و رۆشنبیریی و مرۆییە كار دەكات بۆ بەرقەراركردنى پەیوەندییەكى باش و ئاڵوگۆڕى كولتوورى لە نێو شارە جۆراوجۆرەكانى ناوەوە و دەرەوەى عێراق و بەهێز كردنى بنەماى پێكەوە ژیانێكى ئاشتیانە و فراوانكردنى ڕۆشنبیرى مافى هاوڵاتى بوون و مافەكانى مروڤ، لەوانە مافەكانى خوێندن و دیموكراسى، و زیاتر بەرجەستە كردنى ڕۆڵى گەنجان و دۆزینەوەى تواناكانیان و دەستنیشان كردنى ئەو گرفتانەى گەنجان بە دەستیانەوە دەناڵێنن، وە ئەنجامدانى ئەو لێكۆڵینەوانەى كە گەنجان تیایدا بەشدار بن، لە دۆزینەوەى چارەسەرەكان و پێشكەش كردنیان بە لایەنە پەیوەندیدارەكان،
ئەم دامەزراوەیە سەرەتا بەناوى ( سەنتەرى رایەڵ  بۆ ئاڵوگۆرى كولتوورى و چالاكى رۆشنبیریی) لە ساڵی 2010 مۆڵەتى فەرمى لە وەزارەتى ناوخۆى حكومەتى هەرێمى كوردستان وەرگرتوە. دواى گەشەكردن و فراوانبوونى چالاكیەكانى لە ساڵی 2021 وەك ( دامەزراوەى رایەڵ بۆ ئاڵوگۆرى کولتوورى و گەشەپێدانى مرۆیی) مۆڵەتى فەرمى لە حكومەتى عێراق و هەرێمى كوردستان وەرگرتوە.

ژمارەى مۆڵەت:

–  ژمارەى مۆڵەتى سەنتەرى رایەڵ لە وەزارەتى ناوخۆى حكومەتى هەرێمى كوردستان ( 28994) لە 12-12-2010
–  ژمارەى تۆمارى ( مؤسسة رايل للتبادل الثقافي و التنمية البشرية) لە كۆمارى عێراق / ئەمینداریەتى گشتى ئەنجومەنى وەزیران / فەرمانگەى رێكخراوە ناحكومییەكان 1B2104005)

–  ژمارەى مۆڵەتى دامەزراوەى رایەڵ بۆ ئاڵوگۆرى کولتوورى و گەشەپێدانى مرۆیی لە فەرمانگەى رێكخراوە ناحومییەكانى حكومەتى هەرێمى كوردستان (5509)

ئامانجی كار كردن:

1- هەوڵدان بۆ بەرقەراركردنی پەیوەندی باش وە برەودان بە ئاڵوگۆڕی کولتوورى لە نێوان شارە جیاوازەكان لە ناوەوە و دەرەوەی عێراق.
2- فراوانكردنی ئاستی ڕۆشنبیریی سەبارەت بە مافەكانی هاوڵاتی بوون و مافی مرۆڤ لەناویاندا مافەكانی خوێندن و دیموكراسی بوون و مافەكانی تر.
3- بەهێزكردنی ڕۆڵی گەنجان و گرنگیدان بە تواناكانیان و دەستنیشان كردنی كێشەكانیان وە ئەنجامدانی ئەو لێكۆڵینەوانەی كە ڕۆڵیان دەبێت لە چارەسەری كێشەكان و گەیاندنی چارەسەركان بە لایەنی پەیوەندیدار.
4- هەوڵدان بۆ بەهێز كردنی تواناكانی ڕۆشنبیران و دەرچوانی زانكۆ و فەرمانبەران و كەسانی بێكار وە بردنەسەری ئاستی تواناكانیان، تا ئاستێكی پێشكەوتوو، لە ڕێی كردنەوەی خولی فێركاری و پەروەردەیی پێشكەوتوو لە بوارە جیاجیاكاندا بۆ گەییشتن بە ڕەوتێكی بەروپێشچونێكی بەردەوام.
5- پێشخستن و گەشەپێدانى ڕۆشنبیرییە هونەری و ئەدەبیە جۆراوجۆرەكان و، هاندانی گەنجان بۆ پراکتیزە كردن و بەشداری كردن لەم جۆرە چالاكیانەدا، وەبەرهێنانکردن لە بۆنە و فێستیڤاڵە جەماوەرییەكان بۆ تێگەییشتن لە کولتوورى نەتەوە جیاوازەكان بە شێوەیەكی گشتی ولە نێوان شارەكان بە تایبەتی.
6- برەودان بە کولتوورى كاری خۆبەخشى و وە پێداگری لەسەر بەشداری كردن تیایدا، وەكو خزمەتێكی نیشتمانی و بەشداری كردنێكی ڕاستەقینە لە گەیاندنی وڵات بە ئاستێكی پێشكەوتوو.

دروشم:
هاورێیەتی , ئاشتی, دیالۆگ

ئەدرەسی پەیوەندییەكان:
 سەرۆکى دامەزراوەى رایەڵ : خالید قادر محمد
تێل: 009647701553044
ئیمەیل: [email protected]

[email protected]
سایت: www.rayal.org

 

 

بەشێك لە كارو چالاكیەكان:
1- ئەنجامدانى فێستیڤاڵی سالآنەى نێودەوڵەتى بۆ كەلتورە جیاوازەكان كە تێیدا چەندین كەلتور و گروپى جیاواز لە ناوخۆ و دەرەوەى وڵات بەشدارى تێیدا كردوە، تا ئیستا حەوت فێستیڤاڵی نێودەوڵەتى لە كوردستان ئەنجامدراوە.
2- لە ساڵی 2018 بۆ 2020 دابینكردنى هاوكاری مرۆیی و كەلوپەلى تەندروستى بە نزیكەى 5 ملیۆن دۆلار لە رێگاى یانەى رۆتارى ئوسترالیا بە هاوكارى خانمە شاجوانى كورد ( نینا موراد) كە بریتى بوو لە 6 كۆنتێنەرى 40 فۆتى لە كەلوپەلى هەمەجۆرى مرۆیی و تەندروستى و دابەشكردنى بەسەر نەخۆشخانەكانى كوردستان و قوتابخانەو فەرمانگەو خاوەن پێداویستى تایبەت كە راپۆرتێكى تایبەت بەڵگەكانى لە سایتى رایەڵ دایە ( www.rayal.org )
3- ساڵى 2010 وە تا ئێستا بە بەردەوامى كاركردن لە پرۆگرامى ئاڵوگۆرى كەلتورى و دەستەخوشكى لە نێوان هەردوو شارى رانیەو شارى ( DULUTH)ى ئەمریكا كە توانراوە تێیدا ٦ شاندى ئەو شارە بانگهیشتى كوردستان بكردرێت و سێ شاندى رانیەش بۆ هەمان مەبەست سەردانى ئەمریكاى كردوە, لەو بوارەدا توانراوە چەندین پەیوەندى لە بوارەكانى خوێندنى بالآ، پەروەردە، چالاكى كەلتورى، دیالۆگى ئاینى، بەگژداچوونەوەى توندوتیژى خێزانى، كارى مرۆیى .. هتد دروست بكرێت و بە فەرمى دەستەخوشكى هەردوو شار واژۆ بكرێت.
4- سازكردنى سمبوزیومێكى هونەرى نێودەوڵەتی بۆ (كوردستان, عێراق, توركیا, ئیران, بەحرێن, قەتەر, لوبنان) لە ژێر ناوى ( نیشتیمانێك لە رەنگ, لە پێناو ئاشتى پێكەوە ژیاندا) لە 1-8-2015 بۆ 9-8-2015 لە شارەكانى هەولیر, سلیمانى, رانیە.
5- میواندارى كردنى شاندێكى هونەرى شارەوانى (ئاماد) و تیپى شانۆى (ئاماد) بۆ كوردستان و نمایشكردنى شانۆگەری و پێشانگاى ڤۆتۆگرافى لە رانیەو سلێمانى لە 11-6-2011
6- لەسەر داواكارى سەفارەتى عێراق لە لبنان, دابینكردنى خەرجى ئاهەنگى نەورۆز بۆ كۆمەڵەى( جمعیەى الكوردى الخیریە البنانیە) بۆ ئەنجامدانى ئاهەنكى نەورۆزى 2012 لە لبنان.
7 – بە هاوكارى دەزگاى كوالیس لە لبنان, چاپكردنى ژمارەیەكى تایبەتى گۆڤارى كوالیس تایبەت بە كوردستان و ناساندنى گەلى كورد بە هەردوو زمانى كوردى و عەرەبى و ناردنى بۆ زۆربەى وڵاتانى عەرەبى 2013 .
8- سازدانى یەكەمین دیالۆگى كەلتورى نێودەوڵەتى بە بەشدارى نوێنەرى ( كەنەدا, چیك, ئەمریكا, كوردستان ) لە سەر شاخى كێوەرەشى شارى رانیە لە 16-4-2012
9- بە هاوكارى رێكخراوى ئەمریكان ڤۆیسس ئەنجامدانى ۆرك شۆپ بۆ 40 مۆزیك ژەنى رانیە و سازدانى یەكەمین كۆنسێرتى هاوبەشى مۆزیك ژەنانى ئەمریكا و رانیە لە سەرۆكایەتى شارەوانى رانیە لە 21-7-2012
10- رێكەوتى 21-1-2012 سازدانى دیدارێكى كەلتورى لەگەڵ شاندێكى وڵاتى یابان لە ئۆفیسى سەرەكى سەنتەرى رایەڵ.
11- سازدانى یەكەمین خوان بۆ ناساندنى خواردنە كوردییەكان بۆ چەندین چالاككوانى نێودەوڵەتى 20-10-2012
12- دابینكردنى ئاوى خواردنەوە و گەیاندنى هاوكارى بە ئاوارەكانى بنارى قەندیل لە پردى مەنگورایەتى لە 27-27/7/2011
13- ناردنى شاندێكى 12 كەسى بۆ وڵاتى توركیا و دروستككردنى پەیوەندى لەگەڵ رێكخراوى كەلتورى(قەوقاز, لاز , تورك) شارەوانى دیاربەكرء و چەندان سەنتەرى كەلتورى لە شارەكانى كوردستانى توركیا لە 24-12-2011 بۆ 2-1-2012
14- ناردنى شاندێكى كەلتورى بۆ شێخان ( ناوچەى ئێزدییەكان) و گرێدانى پەیوەندى كەلتورى و فەرهەنگى لەگەڵ ناوەندە كەلتورییەكانى ئێزدیاندا لە 17-4-2012.
15- بە هاوكارى سەفارەتى عێراق لە لوبنان ناردنى شاندێكى كەلتورى بۆ وڵاتى لوبنان و دروستكردنى چەندین پەیوەندى لەگەڵ دامەزراوە رۆشنبیرى و كەلتورییەكانى ئەو وڵاتە لە 28-12-2012 بۆ 6-1-2013
16- بانگهێشتكردنى بەرێوبەرى گشتى و سەرنوسەرى گۆڤارى (كوالیس)ى وڵاتى لوبنان ( فاتمە فەقیە و فریال دبوق) بۆ كوردستان بەمەبەستى ئەنجامدانى چەندین دیدار و تەرخانكردنى ژمارەیەكى تایبەتى گۆڤارەكەیان بۆ ناساندنى گەلى كورد لە 5-3-2013 بۆ 13-3-2013
17- بانگهێشتكردنى تیپى كۆراڵى (سەداى ئاشتى ئەمریكا) بۆ كوردستان بۆ بەشداریكردنیان لە ئاهەنگەكانى نەورۆزى ساڵى 2013 و سازدانى چەندین كۆنسێرت لە شارەكانى سلێمانى و هەڵەبجە و سلێمانى. لە 16-3-2013 بۆ 23-3-2013
18- بانگهێشتكردنى چالاككوانى بوارى ژنان لە ئەمریكا و بەرێوبەرى پێشووى دەزگاى بەگژداچوونەوەى توندوتیژى خێزان لە ئەمریكا ( لیندا ریدل) و چالاككوان میشێل نار ئوبید بۆ كوردستان و سەردانى دەمەزراوەكانى ژنان و كۆكردنەوەى زانیارى لە 27-5-2013 بۆ 3-6-2013
19- بە هاوكارى رێكخراوى cdo چاودێریكردنى هەڵبژاردنەكانى پەرلەمانى عێراق و پەرلەمانى كوردستان و ئەنجومەنى پارێزگاكان لە دەڤەرى راپەرین و 27-5-2012 و لە 29-30 نیسانى 2013
20 ناردنى شاندێكى شارەوانى رانیەو هونەرمەندانى شێوەكارى لە 12-13-14/ 2 /٢٠١٤ بۆ شارى ئامەد و بردنى 40 تابلۆى شێوەكارى كە بەرهەمى 16 شێوەكارى و پێشانگایەكى فۆتۆگرافى كە بەرهەمى 11 فۆتۆگرافەرى رانیەى لە خۆ گرتبوو لەگەڵ ئەنجامدانى چەند سەردان و پەیوەندییەك.
21 – لە 1-4-2014 هاوكاریكردنى هونەرمەندێكى ئەمریكا( سارا تومسۆن) بۆ ئەنجامدانى كلیبێكى هونەرى لە ئەمریكا تایبەت بە كارەساتى هەڵەبجە.
22- بەشداریكردن لە دروستكردنى تابلۆى جیهانى بۆ ئاڵوگۆرى كەلتورى بۆ پێنج وڵات پرۆژەى هونەرمەندى ئەمریكا (Anne Labovitz ) بە 10 كەس لە رێگاى چاوپێكەوتنى سكایب كۆڵ لە ٢٦-١-٢٠١٥
23- رۆژى 4/10/2015 سازدانى خوانێكى خواردنە كوردییەكان بۆ وەفدێكى ئەلمانى كە پێكهاتبوو لە ژمارەیەك پرۆفیسۆر و مامۆستاى زانكۆ و شوێنەوار و مێژوناسى ئەلمانى كە بە سەردان و لێكۆلینەوەیەكى زانستى لە دەڤەرى راپەرینن.
24- لە 15-4-2016 لەسەر پێشنیارى سەنتەرى رایەڵ چەند چالاكوانێكى ئەمریكا كۆكردنەوەى كۆمەك بۆ دروستكردنى كتێبخانەیەك كە لە رۆژى 11 نیسانى 2017 كۆمەكەكە لە رێگاى میشیل نار ئوبید گەیەندرایە شارى كۆبانێ.
25- رۆژى 16-1-2017 كردنەوەى گەلەرییەك تایبەت بە یادگارەكانى هەردوو شارى رانیەو شارى duluth لە هۆڵى زانكۆى راپەرین كە گەلەرییەكە وێراى یادگارەكان چەندین بەرهەمى هونەرى لە خۆ گرتوە.
26- رۆژى 1-7-2017 لە هۆلى كتێبخانەى گشتى رانیە سازدانى مەراسمێك بۆ رێزلینان لە خانمە شاجوانى كورد نینا مراد لە بەرامبەر كارە مرۆییەكان
27- رۆژى 4-11-2017 گەیاندنى هاوكارى بۆ 100 خێزانى ئاوارەكانى خورماتوو لە شارۆچكەى قادركەرەك كە هاوكارییەكان رێژەیەكى زۆر لە پێداویستى خۆراك و كەلوپەلى هەمەجۆرى لە خۆ گرتبوو.
28- رۆژى 20-4-2018 دابینكردنى 180 جل و بەرگى تایبەتى كچان بۆ قوتابخانەى قادراوا لە شارۆچكەى سەروچاوە.