چوارەمین ڤیستیڤالی کلتورە جیاوازەکانی رانیە لە راپۆرتێکی کەنالی رووداودا

بەروار: 7 ساڵ لەمەو پێش

14502910_681145225367529_6278248584775154974_n

به‌به‌شداری 12 گرووپ و تیپی هونه‌ری له‌ ته‌واوی به‌شه‌كانی كوردستان و هه‌رچوار وڵاتی ئێران، عێراق، توركیا و سووریا چواره‌مین فیستیڤاڵی كولتووره‌ جیاوازه‌كان له‌ شاری رانیه‌ ده‌ستی به‌كاره‌كانی كرد.

فیستیڤاڵه‌كه‌ ئه‌مساڵ له‌ژێر ناونیشانی خۆشه‌ویستی بۆ پیشمه‌رگه‌یه‌ له‌ چالاكییه‌كانی گرووپه‌كانیشدا هه‌ر ئه‌وه‌ ره‌نگی دابوویه‌وه‌ و به‌شێكی زۆر له‌ گرووپه‌كان نمایشی تایبه‌ت به‌ پیشمه‌رگه‌یان هه‌بوو.

چواره‌مین فیستیڤاڵی كولتووره‌ جیاوازه‌كان له‌ شاری رانیه‌ به‌ نمایشی چالاكیه‌كانی گرووپی كوڕو كچانی کوردی ئێزدی ده‌ستی به‌كاره‌كانی كرد.

فێستیڤاڵ ئامانجه‌كانی پێكاوه‌ هه‌رچه‌نده‌ دووساڵه‌ ئه‌نجام نه‌دراوه،‌ به‌ڵام به‌هۆی ئه‌و فێستیڤاڵه‌وه‌ تیپه‌ هونه‌رییه‌كانی رانیه‌ له‌ سه‌رتاسه‌ری دونیا بانگهێشت ده‌كرێن و بۆ چه‌ندین وڵات رۆشتوون.

به‌رله‌ قه‌یرانی دارایی حكومه‌ت  تێچووی ئه‌و جۆره‌ چالاكیانه‌ی وه‌ ئه‌ستۆ ده‌گرت و بڕه‌ پاره‌یه‌كی زۆری بۆ ته‌رخان ده‌كرا، به‌ڵام ئێستا چالاكییه‌كان به‌ خۆبه‌خشی و به‌ تێچووی كه‌رتی تایبه‌ت رێكده‌خرێن.

فێستیڤاڵی كولتووره‌ جیاوازه‌كان بۆ چواره‌م جاره‌ سه‌نته‌ری رایه‌ڵ بۆ ئاڵوگۆری كولتووری و چالاكی رۆشنبیری بەڕێوه‌ی ده‌بات.

کرتە لێرە بکە بۆ بینینی راپۆرەتەکە

تاگەکان: