سەنتەری رایەڵ نەتەوە جیاوازەكان بە خواردنە كوردەوارییەكان سەرسام دەكات

بەروار: 8 ساڵ لەمەو پێش

سەنتەری رایەڵ بۆ ئاڵوگۆری كەلتوری R.C.E
نەتەوە جیاوازەكان بە خواردنە كوردەوارییەكان سەرسام دەكات

بە بەشداری رێژەیەكی زۆری چالاككوانی بواری ئاشتی و مافەكانی مرۆڤ لە وڵاتانی ئەوروپا و ئەمریكا, سەنتەری رایەڵ بۆ ئاڵوگۆری كەلتوریR.C.E خوانێكی تایبەتی (خواردنی كوردەواری) بۆ چەندین كەلتور و نەتەوەی جیاواز رێكخست. ئەمەو بە ئامادەبوونی قائمقامی قەزای رانیەو سەرۆكی شارەوانی رانیە و ستافێكی سەنتەری رایەڵ و هەر یەك لە چالاكوانانی ئاشتی( لۆكەس خەڵكی وڵاتی چیك , ماركۆس – بەریتانیا, كاسی – كەنەدا, راكیڵ ستاسی- فلادلفیا لە ئەمریكا, جۆن بیل- ئەمریكا, پاتریك – ڤێرجینیا, گیرارد, ئەمریكا, ساندرا میلیانا- كۆڵمبیا, ستیڤن- ئەمریكا, رۆزمێری ئەمریكا) ئێوارەی رۆژی پێنج شەممە رێكەوتی 20-10-2011 لە سەنتەری رایەڵ, خوانێكی تایبەت بە (خواردنی كوردی) رێكخرا, لەو چالاكیەدا سەرەتا لە لایەن قائمقامی قەزای رانیە وتەیەك خوێندرایەوە كەتێیدا وێرای بەخێرهاتنی میوانەكان, تیشكی خستە ناساندنی شاری رانیە و چەند زانیاریەكی لەسەر هەرێمی كوردستان خستە روو, پاشان لەلایەن ستافێكی سەنتەری رایەڵەوە خواردنە كوردییەكان بە میوانەكان ناسێنران, لە میانەی خوانەكەشدا گفتوگۆ‌و راگۆرینەوەیە لەسەر ئاڵوگۆری كەلتوری نێوان كەلتورە جیاوازەكان كرا و چەند پێشنیارێك خرانە روو, دواتر سەرۆكی شارەوانی رانیە لەسەر تایبەتمەندیە كەلتوریەكانی گەلی كورد قسەی كردو چەند زانیاریەك لە نێوانیان گۆردرایەوە.
لە نیوەرۆی رۆژی دواتر لەلایەن قائمقامی قەزای رانیەوە خوانێكی تر بۆ میوانەكان رێكخرایەوە, چەند ئایدیایەك گۆردرانەوە.
خالید قادر لێپراسراوی سەنتەری رایەڵ وتی: ئامانجی ئەو چالاكیە بەیەكەوەی ئاشناكردن‌و گۆرینەوەی كەلتوری و ناساندنی خواردنە كوردییەكان بوو بە چەند میوانێكی بیانی كە پێمان وایە ئەو دۆستایەتی و هاورێیەتیە دەكرێت لە ئایندەدا ئاستی فراوانتر بەخۆیەوە بگرێت.
جێگای ئاماژەیە سەنتەری رایەڵ بۆ ئاڵوگۆری كەلتوری R.C.E ئۆفیسی سەرەكی لە شاری رانیەیەو كار لەسەر ئاڵوگۆری كەلتوری, كەلتورە جیاوازەكان لەناوەوەو دەرەوەی وەڵات دەكات, تا ئێستا چەندین چالاكی فراوانی لەو بارەوە ئەنجام داوە توانیویەتی رایەلێكی بەتینی ئاڵوگۆری كەلتوری دروستبكات, كە رەنگدانەوەیەكی زۆری بەسەر ناساندنی گەلی كورد هەیە.

تاگەکان: