ڕۆژی جیهانی بەرەنگاربوونەوەی كرێكاریكردن بە مناڵان

ڕۆژی جیهانی بەرەنگاربوونەوەی كرێكاریكردن بە مناڵان

ساڵانە، لە لایەن ڕێكخراوی (یونیسێفـ)ی سەر بە نەتەوە یەكگرتووەكان، ڕێكەوتی 12ی مانگی 6 بە ڕۆژی جیهانی بەرەنگاربوونەوەی كرێكاریكردن بە مناڵان دیاریكراوە.

كە لەو ڕۆژەدا هەڵمەتی فراوانی هۆشیاری و میدیایی بۆ ڕێگریكردن لە كاری قورسی مناڵان ئەنجام دەدرێت، ئەمە هاوكاتە لەگەڵ دۆخی سەختی دارایی و ئابوریی وڵاتان و ڕێژەیەكی زۆر لە دانیشتوانی جیهان.

ئێمە لە دامەزراوەی ڕایەڵ پشتیوانی و بەشداریمان لەو هەڵمەتە جیهانییەدا وەك بنەمای كار و ئێتیك و پەیامی دامەزراوەكەمان هەژمار دەكەین، لەگەڵ ئەوەشدا درك بە دۆخی سەختی ژیانی بەشێكی زۆر لە هاوڵاتیان و مناڵانی عیراق و كوردستان دەكەین.

كەواتە پێویست دەكات پلانی ستراتیژی و ئاییندەیی بۆ پەروەردە و پێگەیاندن و گەشەپێدانی مناڵان دابنرێت كە گەورەترین وزە و سەرچاوەی مرۆیی ئایندەی كۆمەڵگە و مرۆڤایەتین. 

بەڵێ بۆ ژیان و خزمەتگوزارییە پەروەردەیی و تەندروستی و پێداویستییەكانی تر بۆ ژیان و دونیای جوانی مناڵان، نەك كارپێكردن و دابڕینیان لە جیهانەكەیان و دووچار كردنیان بە ئازار و لادان و چەندان كێشەی دەروونی و جەستەیی و كۆمەڵایەتی و پەروەردەیی.

 

دامەزراوەی ڕایەڵ بۆ ئاڵوگۆڕی كولتوری و گەشەپێدانی مرۆیی

١٢ی ٦ی ٢٠٢٢

تاگەکان :