بەڕێزەوە پێشوازی كران شاندی شاری Duluthی ئەمریكا گەیشتە هەرێمی كوردستان

بەروار: 9 ساڵ لەمەو پێش

كاتژمێر (3)ی شەوی (27-5-2011) لەفرۆكەخانەی نێودەوڵەتی سلێمانی, شاندی شاری Duluthی ئەمریكا گەیشتە هەرێمی كوردستان, لەگەڵ گەیشتنیان لەلایەن ستافێكی (سەنتەری رایەل بۆ ئالوگۆری كەلتوری) بە گەرمیەوە پێشوازی كران. لە پرۆگرامی كاری یەكەم رۆژی وەفدەكەدا كاتژمێر (10)ی سەر لە بەیانی رۆژی هەینی27-5-2011 سەردانی مۆزەخانەی نیشتمانی (ئەمنەسورەكە)یان كردو بەشەكانیان بەسەركردەوە. پاشان سەردانی ئۆفیسی سەرەكی رێكخراوی منداڵپارێزی كوردستانیان كردوو لە لایەن بەڕێوەبەری بەرنامەی رێكخراوەكەوە بەگەرمیەوە پێشوازی كران. لەم دانیشتنەدا وێرای ناساندنی رێكخراوەكە بە میوانان, چەند زانیارەیەكیش لەسەر رەوشی منداڵان و سەنتەرەكانی گەنجانی هەرێمی كوردستان خرایە ڕوو. دواتر وەفدەكە لە كاتژمێر (2.5)ی دوانیوەرۆ سەردانی مۆنۆمێێنتی هەڵەبجەو مەزاری شەهیدانیان لەشاری هەڵەبجە كرد, لە یاداشتی مۆنۆمێنتەكەدا هاوخەمی و پەرۆشی خۆیان بۆ مێژووی گەلی كوردو شاری هەڵەبجە تۆماركرد. جێی ئاماژەیە ئەم وەفدەی شاری Duluth لەلایەن (سەنتەری (R.C.E) سەنتەری رایەڵ بۆ ئاڵوگۆری كەلتوری)ەیەوە بانگهێشتی كوردستان كراون كەمەبەست لە سەردانەكەیان توندوتۆڵكردنی پەیوەندی هاوڕێیەتی‌و دەستەخوشكی هەردوو شاری (رانیە) و شاری (Duluth)ی ئەمریكایە كەماوەی (2)ساڵە لەسەر بنەمای ئاڵوگۆڕی كەلتوری پەیوەندییەكی فراوانیان لە نێواندا هەیە، بۆ ئەم مەبەستە لە مانگی (5)ی ساڵی (2009) وەفدێكی شاری (Duluth) سەردانی شاری ڕانیەی كردوو لەمانگی (9) ی ساڵی (2010 ) وەفدێكی شاری رانیە بۆ هەمان مەبەست سەردانی ئەمریكای كردەوە .شایەنی باسە ئەم وەفدە لەم سەردانەی ئیستایاندا ماوەی (1) هەفتە لە كوردستان دەمێننەوە كە بۆ پرۆگرامی رۆژانی ئایندەیان, لە شاری رانیە بەرنامەو پڕۆگرامێكی تایبەت بۆ ئەم سەردانە دانراوە . كە بریتیە لە رێكخستنی چەندین كۆبونەوە‌و سەردانی دامەزراوەی حكومی و رۆشنبیری و هونەری ئەنجامدانی چالاكی كەلتوری.

تاگەکان: